2019 оны мал хаваржилтын цаг агаарын тойм /3,4,5 сар/

2019 оны мал хаваржилтын цаг агаарын тойм /3,4,5 сар/

Агаарын температур, хур тунадас: 2019 оны 03 дугаар сарын агаарын дундаж температур нийт нутгаар /-1.7⁰...-4.3⁰/ хүйтэн байсныг уур амьсгалын  дундажтай харьцуулж үзэхэд /3.8⁰...6.0⁰/-аар дулаан байлаа. Хөрсний гадаргын дундаж температур /-0.4⁰...-6.3⁰ / хүйтэн байсан. Энэ сард нийт нутгаар 0.0...13.0 мм хур тунадас орсонг уур амьсгалын дундажтай харьцуулж үзэхэд Эрдэнэцагаан сумын нутгаар дундажаас ахиу бусад нутгаар дундажаас бага хур тунадас орсон. Нийт нутгаар 1-7 удаа цас орсон боловч тогтвортой цасан бүрхүүл тогтоогүй. Салхины их хурд 12-20 м/сек хүрч 10 м/сек-с давж 4-12 өдөр, 6 м/сек-с давж ...... салхилсан ба 15,19,20,22,29-ны өдрүүдэд  Сүхбаатар, Түвшинширээ, Баяндэлгэр, Дарьганга, Баруун-Урт сумдын нутгаар салхины дундаж хурд 15 м/сек-с давж хүчтэй салхи болон шороон шуурга шуурсан байна.

2019 оны 04 дүгээр сарын агаарын дундаж температур /4.7⁰...7.5⁰/ дулаан байсныг уур амьсгалын дундажтай харьцуулж үзэхэд нийт нутгаар /1.4⁰...3.9⁰/-аар дулаан байлаа. Хөрсний гадаргын дундаж температур /7.4⁰...12.0⁰ / дулаан байсан. Энэ сард ихэнх нутгаар 0.0...14.0 мм хур тунадас орсонг уур амьсаглын дундажтай харьцуулж Эрдэнэцагаан, Онгон сумдын нутгаар дундажаас ахиу, Мөнххаан, Түвшинширээ сумдын нутгаар хур тунадас ороогүй бусад нутгаар дундажаас бага хур  тунадас орсон байна. Салхины их хурд 14-23 м/сек хүрч 10 м/сек-с давж 5-16 өдөр, 6 м/сек-с давж 10-25 өдөр салхилсан ба 4,13,14,16,17,19,20,29-ны өдрүүдэд аймгийн нийт нутгаар салхины дундаж хурд 15 м/сек-с давж  хүчтэй салхи болон шороон шуурга шуурсан байна. Бэлчээрийн ургамал нутгийн өмнөд хэсэг буюу Эрдэнэцагаан, Дарьганга, Наран, Онгон, Асгат сумдын нутгаар цухуйж 1-3 см-ийн өндөртэй байна. Бусад сумдын нутгаар салхи хавсрага ихтэй, хөрсөнд чийг дутагдсанаас ургамал хугацаандаа цухуйгаагүй удаашралтай байна.  

2019 оны 05 дугаар сарын агаарын дундаж температур нийт нутгаар /13.3⁰...14.1⁰/ дулаан байсныг уур амьсгалын дундажтай харьцуулж үзэхэд нутгийн ихэнх хэсэг буюу Асгат, Наран, Онгон, Сүхбаатар, Түвшинширээ, Уулбаян, Халзан сумдын нутгаар /1.0⁰...1.7⁰/-аар дулаан бусад сумдын нутгаар дундажын орчим байлаа. Агаарт хамгийн их дулаан /25.7⁰...29.1⁰/ хүрч халсан ба 30.0⁰-с давж 1-3 өдөр халсан байна. Хөрсний гадаргын дундаж температур /13.7⁰...20.6⁰/ дулаан. Хамгийн их дулаан /42.1⁰...49.3⁰/ халсан ба 40.0⁰-с давж 3-18 өдөр халсан байна. Салхины их хурд 24-28 м/сек хүрч 10 м/сек-с давж 10-22 өдөр, 6 м/сек-с давж 20-31 өдөр салхилсан ба 4,6,9,11,15,17,19-ны өдрүүдэд өдрүүдэд аймгийн ихэнх нутгаар салхины дундаж хурд 15 м/сек-с давж  хүчтэй салхи болон шороон шуурга шуурсан байна.

 Энэ сард нийт нутгаар 0.0...34.1 мм хур тунадас орсонг уур амьсгалын дундажтай харьцуулж үзэхэд Баяндэлгэр, Эрдэнэцагаан, Дарьганга, Наран, Онгон сумдын нутгаар дундажаас ахиу бусад сумдын нутгаар дундажаас бага хур тунадас орсон байна. Бэлчээрийн ургамлын ургалтын байдал нийт нутгийн 8 хувьд хэвийн, 33 хувьд дунд,  59 хувьд муу байна.  

   УЦУОШТөв