2017 оны 8 дугаар сарын эхний арав хоногийн цаг агаарын нөхцлийн тойм

2017 оны 8 дугаар сарын эхний арав хоногийн цаг агаарын нөхцлийн тойм

Агаарын температурын арав хоногийн дундаж ихэнх нутгаар 18.6-20.9 градус дулаан ба олон жилийн дунджийн орчим, Дарьганга, Уулбаян сумдын нутгаар агаарын дундаж температур олон жилийн дундажаас 1.0-2.0 градус хүйтэн байлаа. Хөрсний гадарга дээр өдөртөө ихэнх нутгаар 21.1-32.2 градус, шөнөдөө ихэнх нутгаар 9.5-13.2 градус дулаан байлаа.

Энэ арав хоногт нийт нутгаар 18.1-70.8 мм хур тунадас орсон. Хамгийн ихэн нь  Дарьгана 70.8мм, Мөнххаан 68.2 мм, Онгон 57.4 мм, бага нь Сүхбаатар суманд 18.1мм ба нийт нутгаар олон жилийн дундажаас 2.9-61.5 мм-ээр ахиу хур тунадас унасан  байна.

 8 дугаар сарын 10-ны байдлаар бэлчээрийн ургамлын ургалтын байдал буюу зуншлагын байдал нийт нутгийн 60 орчим хувьд хэвийн, 40 орчим хувьд дунд үнэлгээтэй байна.

Цаг агаарын нөхцлийн онцлог

- Энэ арав хоногт нийт нутгаар хур тунадас олон жилийн дундажаас ахиу орж зуншлагын байдал ялимгүй сайжирсан.

- Хөрсөн дээр ихэнх нутгаар 40 градусыг давж 1-8 хоног халсан.

- Арав хоногийн эхээр Баяндэлгэр суманд 5мм голчтой мөндөр орсон.

2017 оны 08 дугаар сарын 14-наас 08 дугаар сарын 21-ныг хүртэлх 7 хоногийн цаг агаарын урьдчилсан мэдээ

/ дуу цахилгаантай түр зуурын усархаг бороо орох тул гэнэтийн үер ус, мөндөр, хуй салхины аюулаас сэрэмжтэй байхыг анхааруулж байна/.

14-16-нд нутгийн хойд болон зүүн хэсгээр, 20-нд ихэнх нутгаар бороо орно. Дуу цахилгаантай. Борооны өмнө салхи түр зуур 18-20м/с хүрч  ширүүснэ. шөнөдөө 11-16 градус өдөртөө 23-28 градус дулаан байна.

ХАА-н инженер С. Алтанцоож