2018 оны 06 дугаар сарын 1-р 10 хоногийн хөдөө аж ахуйн цаг уурын тойм

2018 оны 06 дугаар сарын 1-р 10 хоногийн хөдөө аж ахуйн цаг уурын тойм

Агаарын дундаж температур /16.0⁰…20 .6⁰/ дулаан байсныг олон жилийн дундажтай харьцуулж үзэхэд ихэнх нутгаар олон жилийн дундажаас /1.3⁰...3.9⁰/-аар дулаан, Дарьганга сумын нутгаар олон жилийн дундажын орчим байлаа. Агаарын температур өдөртөө /30.6⁰...35.1⁰/ хүрч 30⁰ –аас давж 1-2 өдөр халсан бол хөрсний гадрага дээр өдөртөө 53.3⁰...62.0⁰/ хүрч нийт нутгаар хөрсөнд 40⁰ .-аас давж 4-9 өдөр ажиглагдсан.

Энэ 10 хоногт нийт нутгаар 0.0...11.9 мм хур тунадас орсон.  Хамгийн их нь Дарьганга суманд 11.9 мм, Сүхбаатар суманд 9.3 мм  хур тунадас орж олон жилийн дундажаас ахуи бусад нутгаар олон жилийн дундажаас бага  бага хур тунадас орсон байна.

Бэлчээрийн ургамлын ургалтын байдал 6 дугаар сарын 10-ны байдлаар нийт нутгийн 15 хувьд хэвийн, 46 хувьд дунд,   39 хувьд муу байна. Нийт нутгаар ургамлын өндөр 1-15см байна.   Салхины их хурд нийт нутгаар 10...22м/сек хүрсэн байна.

Цаг агаарын нөхцөл хөдөө аж ахуйн үйлдвэрлэлд хэрхэн нөлөөлсөн байдал

Бод мал төллөх ажил явагдаж энэ ажилд цаг агаарын нөхцөл байдал тохиромжтой. Малын усан хангамж, малын тарга хүч дунд зэрэг байна.

2018 оны 06 дугаар сарын 15-нөөс 06 дугаар сарын 19-ныг хүртэлх

5 хоногийн цаг агаарын урьдчилсан мэдээ

15-16-нд нутгийн зүүн хэсгээр түр зуурын бороо орно. Дуу цахилгаантай. Салхи зарим газраар түр зуур ширүүснэ. шөнөдөө 9-14 градус, өдөртөө 22-27 градус дулаан байна.

ХАА-н инженер С.Алтанцоож