2017 оны 7 дугаар сарын 2-р 10 хоногийн хөдөө аж ахуйн цаг уурын тойм

2017 оны 7 дугаар сарын 2-р 10 хоногийн хөдөө аж ахуйн цаг уурын тойм 

Энэ 10 хоногт агаарын дундаж температур нийт нутгаар 23.9-27.2 градус байсныг олон жилийн дундажтай харьцуулахад ихэнх нутгаар 2.0-4.0 градусаар дулаан Түмэнцогт сумын орчимоор олон жилийн дундажын орчим байна. Агаарт хамгийн дулаан нь 33.5-40.1 градус ба 30 градусаас дээш давж 4-7 хоног  , хөрсний гадаргад  хамгийн дулаан нь 54.0-67.2  градус  ба 40 градусаас дээш давж 5-7 хоног үргэлжилэн халсан байна.

Энэ 10 хоногийн байдлаар нийт нутгаар хур тунадас орсон ба хур тунадастай өдөр 2-7 удаа ажиглагдсан байна. Дарьганга,Онгон, Наран, Баяндэлгэр сумдын нутгаар 10.2-25.4 мм бусад сумдаар 0.0-8.3мм хур тунадас  орсон байна.

Бэлчээрийн ургамлын ургалтын байдал нийт нутгийн 20 орчим хувьд хэвийн, 80 орчим хувьд дунд зэрэг байна. Ургамлын өндөр  3-23см. Эрдэнэцагаан сумын нутгаар, Наран сумын зүүн болон өмнөд хэсгээр, Дарганга сумын хойд хэсгээр, Сүхбаатар сумын хойд болон баруун хэсгээр,Түмэнцогт сумын ихэнх хэсгээр бэлчээрийн ургамал сэргэсэн байна.Салхины их хурд: Салхины их хурд нийт нутгаар 7-20м/сек хүрсэн ба 6м/сек-с дээш 3-10 хоног салхилсан байна.

Цаг агаарын нөхцлийн онцлог: Энэ арав хоногт агаарт ихэнх нутгаар 30 градусыг давж 5-7 хоног халсан байна. Мөн хөрсний гадарга дээр ихэнх нутгаар 54.0-67.2 градус хүрч халсан нь ургамлын ургалтын байдалд таагүй нөлөө үзүүлсэн.

2017 оны 7 дугаар сарын 24-нөөс 29-ныг хүртэлх цаг агаарын урьдчилсан мэдээ

 25-26-нд ихэнх нутгаар, 27-28-нд нутгийн зарим хэсгээр түр зуурын бороо орно. Дуу цахилгаантай борооны өмнө салхи ширүүснэ. Агаарын температур нь шөнөдөө 12-17 градус, өдөртөө 24-29 градус дулаан байна. 

ХАА-н инженер С.Алтанцоож