2017 оны 11 дугаар сарын сүүлчийн арав хоногийн цаг агаарын нөхцлийн тойм

2017 оны 11 дугаар сарын сүүлчийн арав хоногийн

цаг агаарын нөхцлийн тойм

  Агаарын температурын арав хоногийн дундаж нийт нутгаар -14.1...-18.0 градус хүйтэн байсан ба олон жилийн дундажтай харьцуулж үзэхэд ихэнх нутгаар олон жилийн дундажаас -1.5...-3.8 градусаар хүйтэн Уулбаян, Түвшинширээ, Түмэнцогт сумын нутгаар олон жилийн дундажын орчим байлаа. Хөрсний гадарга дээр өдөртөө нийт нутгаар -14....-20.8  градус хүйтэн, шөнөдөө нутгаар -27.0...-32.6 градус хүйтэн байлаа.  

Энэ арав хоногт нийт нутгаар хур тунадас орсоноос Баруун-Урт, Сүхбаатар, Халзан сумдаар 1.0-1.7 мм бусад нутгаар 0.0-0.8 мм хур тунадас орсон ба  олон жилийн дундажтай харьцуулж үзэхэд Баруун-Урт, Сүхбаатар, Халзан сумдын нутгаар олон жилийн дундажаас ахиу, Баяндэлгэр сумын нутгаар олон жилийн дундажын орчим бусад нутгаар олон жилийн дундажаас бага хур тунадас орсон байна.

Цас: Энэ арав хоногт нийт нутгаар 1-5 удаа  цас орсон. Мөнххаан, Сүхбаатар, Асгат сумдын нутгаар 10-12см зузаан, 0.14-0.21 г/см3 нягтай, Баруун-Урт, Баяндэлгэр, Эрдэнэцагаан, Дарьганга, Онгон, Түвшинширээ, Түмэнцогт, Уулбаян, Халзан сумдын нутгаар 5-8 см зузаан, 0,15-0.22 г/см3 нягтай битүү 10 баллын цасан бүрхүүлтэй цастай байна. Салхи өнгөрсөн 10 хоног аюулын хэмжээнд ажиглагдаагүй. Цасан орон, явган шуурга 1-5 удаагийн давтамжтай ажиглагдсан ба хөдөө талаараа байнга явган шуургатай байсан. Энэ үеэр 9-16 м/сек хүрсэн байна.

Цаг агаарын нөхцөл хөдөө аж ахуй үйлдвэрлэлд хэрхэн нөлөөлсөн байдал

 Энэ 10 хоногт мал аж ахуйн үйлдвэрлэлд  мал хээлтүүлэх , хужир шүү бэлдэх ажил явагдаж байна. Малын усан хангамж сайн,  малын тарга хүч дунд зэрэг. Уг ажилд цаг агаарын нөлөөлөл тохиромжтой байсан.

ХАА-н инженер С. Алтанцоож